Вятские Поляны карын улӥсьёс бускельёсынызы пумиськылӥзы

“Бускельесын пумиськон” нырысетӥ улосвыкуспо фестивале эшъёссэс ӧтчазы Вятксие Поляны карысь “Чипчирган” ансамбле ветлӥсьёс. Бускель улосвылъёсысь пор, бигер, ӟуч, башкир коллективъёсын соослэн кемалась ӟеч кусыпъёссы кылдэмын ни, нош Удмуртиысь артистъёс соос дорын нырысьсэ.

«Милям Удмуртиысь коллективъёсын туж потэ тодматскеммы, – шуэ Киров улосысь Вятские Поляны карысь «Чипчирган» ансамбльлэн кивалтӥсез, фестивалез радъясь Надежда Исаева. – Ми соосын пумиськылӥськом Удмуртиын Герберын гинэ. Нош палэнысь удмуртъёслэн ӧтчамъёсазы тазьы ум адӟиськиське. Та коллективъёсты но мон интернетысь утчаса шедьтӥ. Малпасько, табере ми соосын туж умой  кусыпъёс юнматом».

Удмуртиысь фестивале 4 коллективъёс вуизы – уваос, вавожъёс, можгаос. Ньылетӥез – Ижкарысь. Бускель улосысь карлэн сцена вылаз кырӟаны шуд усиз камсьӧр удмуртъёслэн “Ӟаныкай” ансамбльзылы.

«Ансамблямы ми Башкортостанын улӥсь вань удмуртъёслэсь сям-йылолъёссэс возьматӥськом.  Кыӵе гинэ фестивале ум пыриськиське, номеръёсмес бырйыса, возьматӥськом. Та фестивальын быдэстӥм асьмелэсь яратоно кырӟанмес».

Вятские Поляны карын туэ ар удмурт лулчеберетлэн ареныз ялэмын. «Бускельесын пумиськон»  улосвыл фестивален мытӥз со аслэсьтыз ужзэ.
 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий