Вячеслав Ар-Сергилэсь романзэ поттӥзы Чехиын

Книгаез Павел Мервартлэн книгапоттоннияз поттӥзы. Роман Вячеслав Ар-Сергилэн 2000-тӥ арын Ижкарын потэм «И плакало небо…/ Лемлет гондыръёс» прозаен ӟучо-удмурто бичетаз пыртэмын вал. Ӵапак отын гожъяськисьлэн удмурт кылын «Уй вадьсын — бубылиос» романэз потӥз.

Сое Чехиысь егит кылысь кылэ берыктӥсь, кылосбур тодосчи Иржи Новак синйылтӥз но чех кылэ берыктӥз.

Пусйыны кулэ, чех кылын книгаез «Izevske noci» («Ижевские ночи») нимазы, малы ке шуоно Чехиысь лыдӟисьёс туала удмурт литератураен нимысьтыз книгаен пумиськылэмын ӧвол, соин ик книгаез поттӥсьёс кытын романлэн действиез мынэ выл бамаз ик возьматыны малпазы.

Удмуртиысь калык гожъясьлэн Вячеслав Ар-Сергилэн ужъёсыз Россиысь но Европаысь трос калыкъёслэн кылъёсазы берыктэмын. Гожъяськись 2017-тӥ арысен Ӟуч ПЕН-центрлэн ёзчиез луэ, Совето Союзысь (Росси Федерациысь) Гожъяськисьёслэн союзазы 1989-тӥ арысен пыре. Со кык кылын гожъяське: ӟуч но удмурт.

Тодэ вайытом, Вячеслав Ар-Серги литературая Фазиль Искандер нимо калыккуспо премия басьтыны быгатоз. Солэн нимыз кузь лыдметэ сюремын.

https://udmurt.media/udm/news/kultura-i-turizm/55101/