Вуж Сальяын пумиськон

Нимысьтыз пусъемын-данъямын вал трос нылпиё, адӟем карымон семьяос. Ужрад ортчиз гуртысь нылкышнолэсь нуналзэ но Вуж Сальялась”Нылкышно шуд” клублэсь 20 ар тырмонзэ пусъён улсын. Чузъяськизы нылкышно сярысь чуръёс, удмурт кырӟанъёс. Ужрадэ лыктэмъёслы Удмурт нылкышно кенешчиос ӟеч кузьым лэсьтӥзы – сьӧразы ваизы Ижкарысь егит кырӟасез Ирина Перевозчиковаез. Со быдэстӥз Любовь Тихоновалэн кылъёсызъя гожтэм “Анаелы” кырӟанэз.

Кияса ёросысь Нылкышно кенешен но, “Нылкышно шуд” клубен но мыло-кыдо кивалтэ Марина Морякова.

“Та клуб туж быгатыса ужа гурт нылкышноослэсь асваланзэс ӝутон, сямъёсмес-йылолъёсмес утен бордын”, – пусъе Удмурт Элькунысь Удмурт нылкышно кенеш огазеяськонлэн кивалтӥсез Надежда Степанова.

Ужрадысен “Нылкышно шуд” клуб Удмурт нылкышно кенешлэн Таукаронэныз пусъемын. Удмурт нылкышно кенеш Правленилэн нимыныз Любовь Леонтьева “Нылкышно шуд” клубе ветлӥсьёслы выль удмурт книгаос кузьмаз.

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий