Вожвылъяськизы арганчиос

Ужрадэ пыриськизы нимаз артистъёс но коллективъёс. Асьме шаерысьтымы сяна, сцена вылын быгатонлыкъёсынызы ӵошатскизы Башкириысь, Бигер шаерысь но Пермь улосысь усточиос.

Туэ фестиваль 5-тӥ ползэ ортчиз. Дась луизы фетивале пыриськыны 20 профессионалъёс но ас мылкыдзыя шудӥсьёс, озьы ик фольклор коллективъёс.

Арган Итали музъем вылын кылдэмын ке но, сое тросэз калыкъёс асьсэлэн каро. Удмуртъёс но арганэз асьсэлэн йӧскалык инструментэнызы лыдъяло.

«Арган бордын милям удмурт лулмы, — шуэ фестивалез радъясь Наталья Ушакова. — Адями вордске ке гуртын, соку ик со пель сьӧраз арган гурез кылэ. Собере арганэн усто, быгатыса шудӥсь адями котькинлы сӥлы луэ. Удмурт калык понна со лулыз-сюлмыз выллем луэ».

http://www.myudm.ru/