Вотка ёросын ужась егитъёс понна «Юр-яр» турслёт ортчоз

Ужрад егитъёс пӧлын туризмез но сэзь шутэтсконэз вӧлмытон, анай кылын ужрадъёсты азинтон понна ортчытӥське.

Турслётэ 18-35 аресъем егитъёслэн командаоссы пыриськыны быгато. Котькуд командаын быдэн 3 ныл но 3 пи луыны кулэ. Со сярысь «Шунды» огазеяськонлэн «ВКонтакте» мерлыко вотэсысь огиназ ивортэмын.

Кык нунал ӵоже котькуд команда ассэ пӧртэм ласянь возьматыны кулэ луоз. Егитъёс шутэтскон интыез радъянъя, кырӟанъя, омырын пӧранъя вожвылъяськонъёсы пыриськозы. Озьы ик марш-бросок ортчозы. Оглом вераса, соослэсь туризмъя тодонъёссэс но быгатонлыкъёссэс эскерозы.

Турслётын вормисьёсты дипломъёсын но синпель кузьымъёсын пусъёзы.

Куриськонъёсты кутозы ӵуказеозь, 23-тӥ пӧсьтолэзёзь, udmshundy@mail.ru электрон адресъя.

Ужрадлэн куронъёсыныз пыр-почгес тодматскыны быгатӥськоды «Шунды» огазеяськонлэн «ВКонтакте» мерлыко вотэсысь огиназ, яке таӵе телефонъёсъя:

(3412) 63-10-81 — Чернова Алина Владимировна, удмурт егитъёслэн мерлыко «Шунды» огазеяськонзылэн кивалтӥсез.

8 912 751 18 28 – Черыгов Дмитрий Анатольевич, «Шунды» огазеяськонлэн Вотка ёросысь ёзэныз кивалтӥсь.