Ворца гуртысь «Азвесь крезь» ансамбле ветлӥсьёс гастрольёсы дасясько

Та нуналъёсы «Колёса питран» этнотеатрез усьтонлы сӥзем сиё-дано ужрад ортчиз.

Этнотеатрен тодматскон кутскиз «Корка потон» сям-йылолэз возьматон бордысен. Ужрадэ пыриськизы бускель ёросъёсысь вуэм бесерман коллективъёс: Глазкарысь «Янчик», Юкаменск ёросысь «Лампачей» но «Камалё» ансамбльёс. Соос но возьматӥзы корка ӝутонэн герӟаськем йылолъёсты.

Азьланяз этнотеатр мукет сям-йылолъёс борды басьтӥськыны малпа. Ӵектослы луыса, Ворца гуртысь артистъёс даслэсь трос вашкала улонэн герӟаськем спектакльёс пуктыны кулэ.

«Азьло ик тау вераме потэ проектлэн авторезлы Людмила Яковлевалы сыӵе тунсыко тема малпамезлы. Проект чакламын вашкала бесерман сямъёсты калык пӧлы поттон понна. Вань на пересьёс, кудъёсыз быгато вераны, возьматыны  вашкала сямъёсты, улонэз», — шуэ Зинира Вершинина Яр ёросысь Ворца гуртысь лулчеберетъя юртэн кивалтӥсь.

http://www.myudm.ru/