Витетӥез «Лыдӟиськы, Ижкар!» книга фестиваль 1–3 куарусёнэ ортчоз

Ужрадлэн темаез луоз «Лулчеберетъя но лыдӟиськонъя парк». Фестивале Россиысь тодмо гожъясьёс вуозы. Сяме пыремъя, ужрад карысь Шор площадьын ортчоз. Книга ярмарка понна устозэ литературазэс Москваысь но Удмуртиысь 30-лэсь трос издательствоос сётозы. Рынокын книгаосты талонъёсъя дунтэк басьтыны луоз.

«Талонъёсты карысь лыдӟетъюртъёсын ваем книгаос понна сётъялозы», — валэктӥзы Некрасов нимо лыдӟетъюртын.

Фестивальлэн ужанрадлыказ шара лыдӟонъёс, вернисажъёс, ӝытъёсы кино возьматонъёс, пӧртэм вакытъёсысь литератураез возьматонъёс, духовой оркестрлэн концертэз чакламын.

Пиналъёс анай-атайёсынызы лыдӟем книгаослэн геройёсынызы тодматскозы, компьютеръёс но гаджетъёс ӧвӧлтэм дыръя ваньмон дырез ортчытон амалъёс сярысь тодозы.

Ортчем вакытэз возьматон понна фестивальын эскимо но газировка вузалозы. Вань ужрадъёсы пыронэз дунтэк луоз.