Вить дуно кылъёс

Кызьы пусйиз Удмурт нылкышно кенешлэн кивалтисез Надежда Степанова, та аспӧртэм  ӵошатсконэ пыриськыны быгато 4-8 аресьем удмурт кылын вераськись пиналъёсты.  Соос асьсэос малпаны кулэ 5 тужгес дуно, соос учкемъя, удмурт кылъёс. Со кылъёслэсь одӥг пуштросъем суред пӧрмытоно но туспуктыса, Удмурт нылкышно кенешлэн Контакт вотэсбамын ужась группаяз  ыстоно 19-тӥ южтолэзёзь.

Ужъёсты эскероз жюри. 20 тужгес усто ужъёс Удмурт нылкышно кенешлэн но «Билингва» удмурт центрлэн син-пель кузьымъёсыныз но дипломъесын пусъемын луозы.

Суредлы куронъёс:
— быдӟалаез — А3
— суредамын акварелен, гуашен, мелокъесын яке буёл карандашъёсын
— суред вылын ик 5 дуно кылъёс гожтэмын луыны кулэ, озьы ик кинлэн ужез , кӧня арес пусъемын луыны кулэ
— сообщение лэзьыку, суредлэн авторез сярысь удмурт\текст ыстоно.