Вис карем бере «Усточикар» лагерь нош ӧсъёссэ усьтӥз

Вис карем бере «усточикар» лагерь нош ӧсъёссэ усьтӥз 1 Иворъёс

Башкириысь удмурт пиналъёсты арлы быдэ тырше огазеяны «Усточикар» лагерь. Пандемиен кылдэм шуг-секытъёсын сэрен кӧня ке вис карем бере туэ со нош ӧсъёссэ усьтӥз.

Башкортостанын «Усточикар» 2003-тӥ арысен ужа. Та аръёс ӵоже отын Башкириысь пиналъёс сяна шутэтскылӥзы Удмуртиысь, Пермь улосысь нылпиос.

Таяз радэ Вязовка черкогуртэ Башкириысь но Премь котырысь 70 удмурт пиналъёс люкаськизы. 10 нунал ӵоже соос «Фольклор», «Эстрада», «Театр», «Киуж» отрядъёсын тодон-валан люкалозы, ваньмон дыръязы удмурт сям-йылолъёсты дышетозы, удмурт ужрадъёсы пыриськозы.

Удмуртиысь пиналъёслы туэ лагере мыныны ӧз ке но удалты, татын гижысь-пиньысь тыршо шаерысьтымы ӧнерчиос но вожатойёс. «Эстрада» отрядэз кырӟаны дышетэ Пичи Пургаысь кырӟась Светлана Зянкулова, «Театр» отрядэн спектакль пуктэ шаерысьтымы режиссёр Дмитрий Корепанов, валтӥсь вожатойлэсь ужзэ ас вылаз мерта «Шунды» огазеяськонлэн ёзчиез Никита Соприн, вожатойёс сямен ужало озьы ик «Шунды» огазеяськонлэн ёзчиосыз Светлана Турова но Николай Пронев.

Поделитесь с друзьями:
Дом Дружбы народов