Вера семьяяд утиськись удмурт дэрем сярысь

    Вера семьяяд утиськись удмурт дэрем сярысь 1

    «Куара» огазеяськон ӧте семьяосады утиськись удмурт дэремъёс сярысь шара вераны. «Айшон» проект улсын интернет-конкурс ялэмын.

    «Айшон» проект удмурт дэремлы сӥзиське, Лулчеберет удысысь кичӧлтонъёсъя фондлэн юрттэменыз улонэ пыӵатӥське.

    Конкурсэ пыриськон понна семьяяды яке выжыяды утиськем удмурт дэрем яке дэремлэн люкетэз сярысь удмурт яке ӟуч кылын пост дасяно, бордаз туспуктэм ватсано, «ВКонтакте» сетьысь бамады поттоно. #Айшонконкурс хештег пуктыны ӧвӧл вунэтоно.

    Умой луоз, посттэс сториттелинг амалэн гожтӥды ке. Пуштросэз пӧртэм луыны быгатэ, кылсярысь, кызьы дэрем тӥ кие вуиз,  кызьы сое утиськоды, мар понна дунъяськоды.

    Интернет-ӵошатскон 31-тӥ гудырикошконозь кыстӥськоз.