Вань ужпум букваос йылысь точкаос бордын

Немец кылын умлаутъёс (озьы шуисько букваос йылысь точкаос) быдэс кыллэсь яке кыл сочетанилэсь пуштроссэ чылкак воштыны быгато. Сыӵе ик югдур ӟуч но удмурт кылъёсын.

УдГУ-ысь лыдӟиськонни точкаосын букваослы быдэс ӝытэз сизьыны малпа. Ужрадэ вуэмъёс огвакытэ немец, ӟуч но удмурт кылбугорен тодматскозы.

Со дыре ик крезьгур экспериментэ пыриськозы, «Точки и не только» викторинаын визьзэс сыналозы но синпель кузьмъёсты басьтозы.

Люкаськемъёс азьын #Учимудмуртский проектэныз тодматоз «Мынам Удмуртие» телерадиокомпаниысь журналист Александр Бикузин.