Валлэсь кылчин нуналзэ пусъёзы Уваын

«Кырӟанъёс, хороводъёс луозы, — шуэ Булай поселенилэн тӧроез Ирина Никифорова. — Ваньмыз ужрадъёс герӟаськемын луозы валэз чеберъянэн, валэз данъянэн. Ортчозы озьы ик мастер-классъёс. Кылсярысь, одӥгаз дагаез лэсьтыны дышетозы. Со сяна аукционъёс луозы, спортъя, кылбур веранъя площадкаос ужалозы».

Та ужрадэз гуртысь вал вордон заводысь пудоосты возьматон вылысь радъяло. Отысь «Дружба» гурт возёсын 1983-тӥ арысен вал вордо. Соослэн ӟеч выжыем рысакъёссы но тяжеловозъёссы — пӧртэм конкурсъёсын вормисьёс пӧлын. Празднике лыктэмъёс тодматскыны быгатозы Абсолютной чемпионъёсын, соос вылын ворттылыны.

http://www.myudm.ru/