Вал вылын биатлон ортчоз Удмуртиын гужем

Базалэн кивалтӥсез Галина Рылова биатлонлы валъёссэ али ик дасяны кутскиз ини. Зэмзэ верано ке, дасянэз но трос ӧвӧл. Солэн вордосъёсыз 3 арзэ пӧртэм ӵошатсконъёсы, адӟытонъёсы пыриськыло – вормонъёс басьто. Вал вылын биатлон Дэбес ёросын нырысьсэ ортчоз. Ӵошатсконъёслэн радлыксы али дась ини.

«Спортсменъёс валъёс вылын могӟетъёс пыр потоно луозы, 2 пол ыбылӥськозы. Нош кырыж ыбем понна выльысь могӟет пыр потоно луозы на», – шуиз Галина Рылова.

Ӵошатсконъёслы инты пусъемын ини – Сюрногурт вӧзысь возьвыл. Чакламъёсъя, биатлонэ ог 15 валъёс пыриськозы. Нош тросгес луизы ке, эшшо но умой, шуо радъясьёс. Малпанъёсъя, биатлон – ӵошатскон гинэ уз луы, со бадӟым фестивальлы пӧрмыны быгатоз.

«Малпамы ми лэсьтыны бадӟым фестиваль, – шуэ Дэбесысь «Сибырь сюрес» центрлэн кивалтӥсез Эльвина Будина. – Отын ӵошатсконъёс гинэ уз луэ. Луозы валэн герӟаськем кырӟанъёс, суредъёс, туспуктэмъёс. Синпель кузьымъёсын вузкарон но радъялом».

Вал вылын биатлон Удмуртилэн туризмъя дырпусаз пыртэмын. Туэ гужем со эскерон вылысь гинэ ортчоз. Нимысьтыз уксё висъямын ӧвӧл. Но радъясьёс вуоно арын ӵектосэнызы грантъёсъя вожвылъяськонэ пыриськыны малпало. Соку ини фестивалез-ӵошатсконэз паськытгес ортчытыны луонлыкъёс кылдозы.

http://www.myudm.ru/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий