Ӵужонболъя ӵошатскон ортчоз Удмуртиын
Кызьы шуэмын ивортонын, ӵужонбол гурт улонэз но хоккеез огазея. Катокын сяна, та шудонэн пӧртэм площадкаосын шудыны луэ. Куронъёсъя, ӵужонболэ вожвылъяськисьёс котькыӵе пыдкудчанэн пыриськыны быгато.
«Клюшкаос интые одно ик ӵужон кутоно. Та арбериен шудӥсьёс тупез пумит луись командалэн капкаяз пыртыны кулэ. <…> Ворме со команда, кудӥз тужгес трос гол пыртӥз», — ивортэ Пичи Пурга ёрос лыдӟетъртлэн пресс-службаез.
Пусъемын, ӵужонболъя ӵошатсконэ 10 аресысен пыриськыны луэ. Со понна мылкыд карисьёслы вить адямилэсь команда люкано но ёрос лыдӟетъюртэ куриськон сётоно. Ӵужонъёссэс спортсменъёс чемпионатэ сьӧразы вайыны яке радъясьёслэсь пунэманы быгато.
Ватсалом, вожвылъяськон Ымусьтон шулдыръяськонъёс дыръя 14 часын кутскоз.
Тодэ вайытом, 31-тӥ толсуре Можга карын улӥсьёсты «Гынсапеглэн праздниказ» ӧтё.