Уйпал ёросъёсын улӥсь калыкъёслэн сям-йылолъёссы сярысь бичет потӥз

Уйпал ёросъёсын улӥсь калыкъёслэн сям-йылолъёссы сярысь бичет потӥз 1 Иворъёс

Глазов ёросысь лыдӟетъюрт уйпал ёросъёсын улӥсь калыкъёслэн сям-йылолъёссылы сӥзем «Обычаи и обряды народов севера Удмуртии» бичетэз поттӥз.

Книгае пыризы Глазкарын, Глаз но Яр ёросъёсын улӥсь шаерчиослэн эскеронъёссы, докладъёссы. Соос чузъяськизы шаертодонъя «Из прошлого в настоящее: нематериальное культурное наследие народов севера Удмуртии» 21-тӥ конференциын.

Бичет пайда ваёз соослы, кин тунсыкъяське уйпал ёросъёсын улӥсь удмуртъёслэн, ӟучъёслэн, бигеръёслэн, бесерманъёслэн вашкала йылолъёсынызы. Соос пӧлысь куд-ог сямъёс кемалась ышемын ни (геры поттон, торокан сюан, кубо сетон), нош куд-огез али но улэп на (вожодыр, сюан, пинал пыртон, армие келян).

Бичетэн тодматскыны вань мылкыд карисьёс быгато лыдӟетъюртлэн сайтаз.

Поделитесь с друзьями:
Аватар мария емельянова

Начальник информационно-аналитического отдела Дома Дружбы народов, редактор республиканской молодёжной газеты «Дарт», ведущая Интернет-телеканала «Даур ТВ»

Дом Дружбы народов