Тужгес трос адями ветлӥз Шаркан ёросэ — 15 сюрслэсь уно. Собере мынэ Сарапул ёрос – 11 сюрс 800 адями, куинетӥын интыын Вотка – 5 сюрс 400 адями.
Ӧнерчиослэн чакламзыя, 8 нуналъем каникулъёс понна 46 сюрс туристъёс — со умой лыдпус. Кызьы ивортэ элькун тӧролэн но кивалтэтлэн пресс-службазы, таяз арын туризм удысын валтӥсь ӧр «Камский берег» луэ . Сое азинтыны Федерал коньдэтысь 121 миллион манет но Элькун коньдэтысь 50 миллион манет висъялозы. Со сяна, Грак ёросысь Баба Ягалэн выжыкыл резиденциезлы коньдон сётон сярысь йылпумъян кутэмын.
