Улысь Балтач гуртын «Дуно марӟанъёс» фестиваль ортчиз

Улысь балтач гуртын "дуно марӟанъёс" фестиваль ортчиз 1 Иворъёс

Башкортостанын фольклор праздник «Трезвое село» элькун вожвылъяськон улсын радъяськиз. Туэ со тямысэтӥ ползэ ортчиз ини.

Ужрадэ удмурт гуртъёслэсь йылолъёссэс, кырӟан-веранъёссэс утись 14 фольклор коллективъёс пыриськизы. Башкортостанысь сяна, отчы Пермь шаерысь но Удмуртиысь куноос вуизы.

Удмурт Элькунлэсь вашкала сям-йылолъёсты яркыт возьматӥзы Вотка ёросысь Кукуи гуртысь удмурт кырӟанъя «Купанча» калык ансамбль но «Ӟардон» калык театр.

Купанчаос фестивальлэсь Гран-призэ басьтӥзы. Соос отын «Мынам йыркышетъёсы – улон герӟетъёсы» театрализованной композиция возьматӥзы.

Озьы ик фестивальын куинь ансамбльёс дипломантъёс луизы: Янаул ёросысь Вуж Варашысь «Югдон» калык ансамбль (I степень), Калтасы ёросысь Бадӟым Качакысь «Зангари» калык ансамбль (II степень), Ермекей ёросысь Купченей гуртысь «Зангари» ансамбль (III степень).

1-тӥ степенё лауреат луиз Татышлы ёросысь Вязовка гуртысь «Уӵы ныл» калык ансамбль. «2-тӥ степенё лауреат» ним сётэмын Татышлы ёросысь Калмиярысь «Танып» коллективлы, нош «3-тӥ степенё лауреат» ним — Татышлы ёросысь Кызыл-Яр гуртысь «Марӟан» калык ансамбльлы.

Вормисьёс но ужрадэ пыриськем коллективъёс ваньзы дипломъёсын но синпель кузьымъёсын пусъемын вал.

Поделитесь с друзьями:
Дом Дружбы народов