Улонысь кошкиз философи наукаосъя кандидат Альберт Разин

    Улонысь кошкиз философи наукаосъя кандидат альберт разин 1

    Альберт Разин 90-тӥ аръёсы удмурт движениез улӟытӥсьёс пӧлын вал. Ас дыраз «Дэмен» огинэн кивалтӥз. Трос кужымзэ понӥз «Гербер» удмурт йӧскалык праздниклы элькун инлык сётонлы. Кема аръёс ӵоже кивалтӥз Удмурт кун университетысь Адямилэсь улонын интызэ эскерись институтэн, трос научной но публицистической ужъёслэн авторзы.

    Уно юанъёсъя Альберт Алексеевичлэн аслыз гинэ тупась малпанъёсыз вал, сюлмыз висиз удмурт кылэз ӝутон но калык лулчеберетэз утён ласянь.

    «Солэн туж сюлмыз висе вал удмурт йылолъёс, удмурт гуртмы, удмурт адямиосмы понна. Со ужпумъёсъя солэн ас адӟонэз, ас валанэз вал. Ӵем дыръя со позициез асьме туала улонэн конфликтэ пыре вал. Туж жаль, валантэм, вӧсь — мон озьы шуысал. Туннэ югдур шоры рос-прос учконо ке, мон уг адӟиськы ужпумез, кудӥз адямиез сыӵе вамыш лэсьтыны валтэ», — шуэ йӧскалык политикая элькун министр Лариса Буранова.

    Малпанъёссэ Альберт Алексеевич шараялляз гожтэтэн вазиськонъёсаз.

    «Со ужпумъёсты, кудъёссэ со ӝутказ но кудӥныз со вазиськиз депутатъёслы асьмеос тодӥськом. Асьмоес ӵапак со пумысен ик тыршим ӵош ужаны.  Соин ик тазьы аслэсьтыд мылкыддэ вераны — со туж вӧсь быдэс калык понна. Туннэ нуналлы со ваньмыз радъяськыны кулэ, дыр, йыръёсамы но сюлэмъёсамы», — вера «Удмурт Кенеш» огазеяськонлэн тӧроез Татьяна Ишматова.

    http://www.myudm.ru/