Укмысэтӥ классэз йылпумъясь 450 пала пиналъёс экзамен сётыны удмурт кылэз но литератураез бырйизы

Вераны кулэ, кылем арын анай кылъя но литературая экзамен сётыны мылкыд каремъёс тросгес вал.

Тодэ вайытом, кылем арын удмурт кылъя тодон-валанъёссэс эскеризы 551 пиналъёс, «витьёс» басьтӥзы 179 пиналъёс. Со сяна, укмысэтӥ классэз йылпумъясь 15 адями анай кылын литератураез бырйиз: дас ньылез —  удмурт, одӥгез — бигер.

Ватсалом, таяз арын Удмуртиын 15 сюрс 618 пиналъёс укмысэтӥ классэз йылпумъяло (2016-тӥ арын – 14 сюрс 685). Ӟуч кылъя но математикая экзаменъёсты ваньзы одно ик сётыны кулэ, эшшо кык тодметэз бырйыны луэ. Дышетонъя но тодосъя министерстволэн пресс-службаез ивортэмъя, тросэзгес пиналъёс обществознаниез (8 сюрс 590 адями) но информатикаез (5 сюрс 90 адями) быръё. Укмысэтӥ классысь потӥсьёслэн экзаменъёссы 25-тӥ куартолэзе кутскозы но 9-тӥ инвожоозь мынозы.

Ивортодэтъя «Удмуртия» агентстволэн сайтысьыз басьтэмын: https://udmurt.media/udm/news/obrazovanie-i-nauka/33212/