Удмуртъёслэсь тулыс йылолъёссэс возьматозы Ижкарын 26-тӥ южтолэзе

Этнографиен тунсыкъяськисьёслы Дэра гужатон но Шорт миськон йылолъёсты возьматозы. Соосты Эгра ёросысь Шоргуртын (Среднее Шадбегово) гожтӥзы.

Тулыс йылолъёс пумысен тодосъя валэктонъёс сётоз Калык творчествоя юртлэн экспедици группаезлэн ёзчиез, кылосбур тодосъя доктор, Удмурт кун университетысь доцент Галина Глухова.

Фильмъёсты возьматон 18 часын кутскоз. Пыронэз эркын.

Тодэ вайытом, удмуртъёслэн йылолъёссылы сӥзем фильмъёсты возьматон Калык творчествоя элькун юртын ялан радъяськылэ. Кылсярысь, кылем арын тулыспалэ Вӧйдырен герӟаськем сям-йылолъёслы сӥзем фильмъёсын тодматӥзы.

https://udmurt.media/udm/news/sport/53152/