Удмуртъёслэн вашкала гуръёссыя «Чакара» фольклор фестивальлы дасяськонъёс мыно
6-тӥ толсуре ӧтем куноос понна форум ужалоз, соос котырес ӝӧк сьӧрын кенешозы. Нош 7-тӥ толсуре дышем сямъя ни, вашкала кырӟанъёсын, эктонъёсын гала-концерт ортчоз.
Калыкъёслэн эшъяськон юртазы фестивалез радъянъя комитет люкаськылӥз. Туннэ форум пумысен вераськизы. Учкизы кыӵе площадкаосты ортчытоно, малпаськизы котырес ӝӧк сьӧрын кыӵе ужпумъёсты эскерыны луэ. Люкаськемъёс огкылысь вуизы бадӟым куноос но егит азьветлӥсьёс понна секциос нимаз ортчытоно шуыса.