Удмуртъёслэн огазеяськонзы кылдӥз Казахстанысь Павлодар улосвылын

Этнокультурая финн-угор центрысь но Павлодарысь географияя огазеяськонысь ӧнерчиос удмуртъёс доры кузьымъёсын лыктӥзы.

«Ёзлэн быръем тӧроезлы Б. П. Максимовалы финн-угор центрлэн уставезлэсь копизэ, «Финн-угор синпель» мастерскойын лэсьтэм «Удмурточка» удмурт мунёез, Удмурт Элькунысь Глазкарысь ваем удмурт Берегиняез, удмурт кырӟанъёсын выль бичетэз сётӥмы, нош вань пыриськисьёслы но радъясьёслы — кышетъёс», — гожтэ Ольга Николашина.

Солэн кылъёсызъя, кузеёослэн тыршеменызы, праздник туж шуныт но шулдыр ортчиз, соосты туж матысь адямиосты кадь пумитазы.

«Лозовое черкогуртын 13 выжы калыкъёс уло. Удмуртъёсты ёзэз усьтонэн ӟечкыланы ваньзы соос творчествоя номеръёсынызы вуизы. Собере удмурт сиён-юонъёсын куноятскон вал: перепеч, табань, ӝуко мильым, губиен пельнянь, пыжем курег, пӧртэм пушкесэн кутэмнянь но пӧртэм варенняос», – гожтэ Ольга Николашина.

Кызьы ивортэмын Павлодарысь калыкъёслэн ассамблеязылэн сайтаз, финн-угор огазеяськон туннэ 7 калыкъёсты огазея: мадьяръёсты, коми-пермякъёсты, поръёсты, мордваосты, удмуртъёсты, финнъёсты, эстонъёсты.

https://udmurt.media/udm/news/obshchestvo/38224/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий