Удмуртиысь «Забава» ансамбль «Сила славянских сердец» Калыккуспо фестивале пыриськоз Белоруссиын
Ӟуч кырӟанъя «Забава» калык ансамбль Вотка ёросын улӥсь калыкъёсслэсь сямъёссэс кырӟан пыр возьматэ.
Арлы быдэ артистъёс ёросазы, элькунамы но палэнын 80-лэсь трос концертъёс сёто.
Туэ южтолэзе Вотка ёросын «Тракторный биатлон» Калыккуспо усьтэм шудонъёс ортчизы. Отчы Белоруссиысь Минскысь трактор заводлэн командаез но пыриськиз.
Соку ӵошатсконъёсы Минскысь калык коллектив «Белы Птах» вуылӥз но «Забава» ансамбленымы ӵош концерт программа возьматӥз. Нош бӧрысь Вотка ёросысь коллективез Калыккуспо фестивале пыриськыны ӧтизы.
Али артистъёс сюрес вылэ потыны дасясько, концерт программазэс волято. Фестивалез учкисьёсты Россилы сӥзем кырӟанъёс возьмало.