Удмуртиысь таджикъёслэн «Ориён-Тадж» Центрзылэн кенешез ортчиз

Солэн ужаз пыриськизы Элькунысь йӧскалык политикая министр Лариса Буранова, йӧскалык политикая министрлэн воштӥсез Людмила Соковикова но таджик обществолэн азьветлӥсьёсыз.

2014-тӥысен 2016-тӥ арозь таджик обществолэн ужамез но азьпалан пуктэм ужпумъёсыз сярысь вераз солэн кивалтӥсез Мирзо Умаров.

Огъя делегатъёс Центрлэсь ужзэ умоен пусйизы. Ватсазы на, куд-ог кылдэм шуг-секытъёс азьын киосты лэзьыны уг яра шуыса. Удмуртиын таджик огазеяськонлэсь ужзэ азинтыны кулэ.

Матысь 3 арлы бырйемын таджик Центрен кивалтӥсь. 2 ӵектэм муртъёс пӧлысь тросгес куара люказ алиез кивалтӥсь – Мирзо Умаров.