Удмуртиысь «Тӧдьы юсь» огазеяськон модая «Этно-Эрато 2017» еврази конкурсын вормиз

Йӧскалык дӥсьлэн вылӥ модаезъя «Этно-Эрато 2017» XVII еврази конкурсын Удмуртиысь Якшур-Бӧдья черкогуртысь этнофутуризмъя «Тӧдьы юсь» калык огазеяськон вормиз. Вожвылъяськон Москваын 9-тӥ толсуре ортчиз, отчы Россиысь, Азербайджанысь, Армениысь, Казахстанысь, Украинаысь, Монголиысь но Индиысь 50-лэсь трос улосвылъёсысь дизайнеръёс пыриськизы. Со сярысь «Тӧдьы юсьлэн» кивалтӥсез Татьяна Селивёрстова вераз.

Солэн кылъёсызъя, ӵошатсконэ Удмуртиысь соос гинэ ветлӥзы. Элькунлэсь данзэ Валентина Селинаен малпам но «Тӧдьы юсьлэн» ёзчиосыныз кылдытэм «Чильдэт» коллекция утиз. Со «Туала костюмын этнической мотивъёс» номинацие пыриськиз, отын 32 коллекциос вожвылъяськизы. «Чильдэтысь» дӥсьёсты адӟыса, судъясьёс но, учкисьёс но туж паймизы, тодаз ваиз Татьяна Селивёрстова.

«Нырысетӥ ик юан вал — со гындэм-а? Озьы, шуисько, гындэм. Ваньзы шуизы — туж тунсыко, тӥ бадӟым ӟечокъёс, паймымон», – шуиз Татьяна Селивёрстова.

Солэн верамезъя, «Чильдэт» коллекцизы 2016-тӥ арын кылдытэмын вал.

«Чильдэт» («Отражение») коллекция — со удмурт калыклэн мифъёсызъя но легендаосызъя кылдытэмын: инмаръёс, мумыос но лулъёс. Музъем мумы, Шунды мумы, Толэзь мумы — ваньмыз со инмаръёс возьматэмын», — валэктӥз Татьяна Селивёрстова.

«Тӧдьы юсьлэн» кивалтӥсез пусйиз, «Этно-Эрато» ӵошатсконын тросэз ужъёс тунсыкоесь вал, соин ик та номинациын нырысетӥ интыез жюри одӥгезлы гинэ сётыны ӧз быгаты. Озьы устоосыз луизы Удмуртиысь коллектив но Иваново улосвылысь Шуя карысь модельеръёс. Соослы «Ника» синпель, дипломъёс но кузьымъёс сётӥзы.

Ватсалом, Якшур-Бӧдьяослэн коллекцизы Спортъя 23-тӥ тол элькун гурт шудонъёсын нырысьсэ возьматэмын вал. Собере ӵапак та дӥсьёс 10-тӥяз Удмурт модая арняын но вормисьёс луизы. Со сяна, «Чильдэтысь» костюмъёсты «Гурт-фест» но «Палэзян» фестивальёсын возьматъязы.

http://udmurt.media/udm/news/kultura-i-turizm/28745/

Поделитесь с друзьями:

Журналист, редактор, контент-менеджер сайта, СММ специалист, оператор-постановщик интернет-телеканала "Даур ТВ"

Дом Дружбы народов
Добавить комментарий