Удмуртиысь  поръёслэн Кенешсы ортчиз Ижкарын

Кенешын огазеяськонлэсь проектъёссэ но сюлмаськытӥсь юанъёссэ эскеризы. Озьы ик азьпалан быдэстоно ужрадъёсты пусйизы. Тужгес но сюлмаськытӥсез – со анай кылэз дышетон.

Огазеяськонлэн кивалтӥсез Анатолий Радыгинлэн верамезъя, ӵемысь асьсэос анай-атайёс пор кылэз дышетонлы пумит луо. Соос дурбасьто ӟуч кыллы огъя кун экзаменъёсты ӟечгес сётон понна.

29-тӥ южтолэзе Каракулино ёросысь Бырганда гуртын научно-практической конференция ортчоз. Со дышетон учреждениосын йӧскалык лулчеберетъя компонетэз  кылдытонлы сӥземын луоз. Быргында школа юнме быръемын ӧвӧл, со эскерон площадка луоз.

20-тӥ оштолэзе Киясово черкогуртын пор лулчеберетлы сӥзем фестиваль радъяськоз. Нош 8-тӥ инвожое Сарапул ёросысь Соколовка гуртын гырон-кизён ужъёсты йылпумъянлы сӥзем «Семык» элькун шулдыръяськон ортчоз. (Азьвыл со гуртын Черный ельник пор поселение интыяськем).

Нош та дыре «Марийцы Удмуртии» книгае материал но туспуктэмъёсты люкан мынэ. Бичетэ пырозы Удмуртиын улӥсь пор калыклэн тодмо но дано адямиосыз.

Кенешон бере люкаськемъёс йӧскалык дӥськутъёсын туспуксизы. Костюмъёс Алнаш, Сарапул, Каракулино, Грак ёросъёсын, Ижкарын но Глазовын улӥсь поръёслэн валтӥсь люкетъёссыя кылдытэмын.

 

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий