Удмуртиысь пиналъёс Башкириын ортчись «Усточикар» лагере мыно

“Шунды” огазеяськонлэн кивалтӥсезлэн Алина Черновалэн верамезъя, туэ соос 15 кузя: “Шундысиос” движение мыло-кыдо пыриськисьёс, “Ӟечбур” газетлэн но “Кизили” журналлэн юнкоръёсыз. Соосын ӵош мыно ӧнерчиос но вожатойёс: егитъёслэн “Ватка” театр этностудизылэн кивалтӥсез Василий Ушаков, “Арт-резиденциысь” удмурт ӵектосъёсын ужась Дарали Лели, журналист Мария Галеева но мукетъёсыз.

“Усточикар” улосвылкуспо лагерь быгатонлыко удмурт нылпиос понна 17-тӥ ползэ ӧсъёссэ усьтэ ини. Смена котьку сямен ик Татышлы ёросысь Вязовка гурт дорын В. М. Комаров нимо лагерьын 10 нунал ӵоже кыстӥськоз. Со улсын Башкортостанысь, Пермь улосвылысь но Удмуртиысь нылъёс но пиос шутэтскозы, удмурт лулчеберетэн тодматскозы, быгатонлыкъёссэс шараяны быгатозы.

Лагерьын творческой мастерскойёс ужалозы. Вуэм нылпиос тодон-валанъёс люкалозы куать ӧръёсъя: “Кызьпу туй”, “Дӥськут дизайн”, “Эстрада”, “Фольклор”, “Театр” но”Журналистика”.

https://vk.com/udmurtkenesh

Контентмейкер, мемолог и журналист

Дом Дружбы народов
Добавить комментарий