Удмуртиысь «Пельняньлэн дунневыл нуналэз» Россиын сиён-юонлы сӥзем тол фестивальёс пӧлын нырысетӥ инты басьтӥз
Тол сиёнъёс пӧлын тужгес вӧлмемын пельнянь, студень но вареники. Калыклы кельшем 10 ужрадъёс пӧлын Удмуртиысь «Пельняньлэн дунневыл нуналэз», Челябинскысь «Уральские пельмени на Николу зимнего», Ярославль улосвылысь «Кухня Дедов Морозов мира», Москва улосвылысь «Русский холодец», Бурятиысь «Буузын Баяр», Белгородысь «Фестиваль вареников», Южно-Сахалинскысь «День пельменя», Красная Полянаысь (Сочи) IKRA фестиваль, Тюмень улосвылысь «Сделано в Ялуторовске» фестиваль, Ханты-Мансийскысь «Попробуй Югру на вкус».
Ижкарын 2018-тӥ арын «Пельняньлэн дунневыл нуналэз» ньылетӥзэ ортчоз ни. Шулдыръяськонъёс 1-тӥ тулыспалэ кутскозы, но 10 нунал кыстӥськозы. Кылем арын фестивальын дунне рекорд пуктэмын вал.