Удмуртиысь «Пельменный уикенд» ӵектос кунысьтымы туризмъя маршрутъёс пӧлын устоез луиз.

«Лучший событийный тур» номинациын вормиз Удмуртиын кылдытэм маршрут. Отчы пыртэмын вал Ижкарысь пусйымон интыос, архитектурая но этнографияя «Лудорвай» музей-заповедник, «Пельняньлэн дунневыл нуналэз» фестиваль но Брангуртысь фольклор коллективен пумиськон. «Пельменный уикенд» ӵектосэз кылдытӥсьёс та дыре вуоно арлы ужрад тур дасяло ни.