Удмуртиысь модая театр калыккуспо конкурсын вормиз

Гран-приез «Золотая шпилька» команда “Чебер нылъёс” возьматонэнызы утӥзы. Огъя вормон понна 63 коллективъёс 14 номинациосъя ӵошатскизы. Кин кырӟаз, кин эктӥз, кин суредаськиз, нош Якшур-Бӧдьяысь модая театр эктон пыр калык дӥськутэз возьматӥз.

«Ми возьматӥм вашкала дыръя етин кизён, утялтон, собере етинлэсь дӥськут вурон йылолэз», – вера модая театрлэн кивалтӥсез Надежда Сохина.

Коллекцизэс нылъёс асьсэос кылдытӥзы – вуж пыдлёгетъёслэсь вуризы саестэмъёс, дэремъёс, пыдкутчанъёс, Туала материалъёслэсь – такъяос, йыр керттэтъёс.

Конкурсысь вормыса бертэмзы бере, театр выль возьматон дасян борды басьтӥськиз. Толэзь ортчыса Набережной Челны карын нылъёс пермь тылобурдоосты возьматозы.

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий