Удмуртиысь куинь театръёс «Большие гастроли» программае пыриськозы

    Удмуртиысь куинь театръёс «большие гастроли» программае пыриськозы 1

    Удмуртиысь йӧскалык кун театр 20-22-тӥ куарусёнэ Алтае мыноз. Со понна федерал коньдэтысь 890 сюрс манет висъялозы. Драмая ӟуч театрысь артистъёс 1-6 коньывуонэ Курск улосвылын спектакльёссэс возьматозы (со понна 900 сюрс манет висъялозы). Удмуртиысь кун мунё театр 28-30 шуркынмонэ Ульяновск улосвылысь учкисьёссэ шумпоттоз («Большие гастроли для детей и молодёжи» программа улсын, солы федерал коньдэтысь 400 сюрс манет висъяськоз).

    Пусйыны кулэ, вылӥ верам улосъёсысь театръёс асьме элькунамы вуозы но ас спектакльёссэс возьматозы.

    Со сяна, «Большие гастроли» федерал программа улсын ик 2019-тӥ арын 20-30 шуркынмонэ Ижкаре спектакльёссэ ваёз Аркадий Райкин нимо «Сатирикон» Россиысь кун театр.

    Тодэ вайытом, 30-тӥ куартолэзьысен 1-тӥ инвожоозь Удмуртиын нылпиослэн но егитъёслэн театръёссылэн «Театр но нылпиос» («Театр и дети») огъяросси фестивальзы ортчоз.

    https://udmurt.media/udm/news/kultura-i-turizm/55235/