Удмуртиысь калык суредасьлэн Вячеслав Михайловлэн «Тол эзь» адӟытонэз усьтӥськиз

Адӟытонэ люкам суредъёсты 3 пӧртэм висъетъёсы интыязы. Вячеслав Михайлов ачиз но уг тоды, кӧня пумо картинаосты быдэстӥз ини. Инкуазьлэн пӧртэм вакытъёсыз, натюрмортъёс, удмурт гожъясьёслэн произведениоссылы суредъёс — Вячеслав Михайлов пӧртэм темаос борды басьтӥське.

«Со темаос асьсэос улонысь лыкто, — шуэ Удмуртиысь калык суредась Вячеслав Михайлов. — Возьмаса кадь уло монэ. «Ку суредалод монэ?» — шуо. Со темаос туж трос. Улон — пӧртэм. Улон – пумтэм-йылтэм».

Адӟытон усьтӥськон ӝытэ трос калык люкаськиз: Вячеслав Михайловлэн эшъёсыз, школаын дышетскисьёс, Алнаш ёросысь улосчиосыз.

65 арес тырмон юбилей ӝытаз Вячеслав Михайловлы сётизы "Удмуртиысь калык суредась" ним.