Удмуртиысь ӵектосъёс «Маршрут года» росси премилэн финалаз потӥзы

Одӥгез соос пӧлысь — Пичи Пургаысь «Берегиняос доры куное» маршрут — вормиз «Этнографи» номинациын.

Огъя Росси ӵошатсконын  «Шутэтскон нуналъёсы радъям турмаршрут» нимо люкетаз кыкетӥ инты басьтӥз  Пётр Чайковскийлэн вордӥськем карез — «Воткинск. Ческыт тодэ ваёнъёс» проектэн.

Озьы ик финалэ потӥзы Сарапулэн тодматӥсь «Тыл но ву» нимам но «Ижкар. Тодмотэм тодмо» ӵектосъёс.

Вожвылъяськонлэн финалэз ортчоз 1-тӥ но 2-тӥ шуркынмонэ Ульяновскын.

Туризмъя «Маршрут года» росси преми 2014-тӥ арын кылдытэмын юри турмаршрутъёсты кылдытон, азинтон ужез нуэм понна данъян вылысь. Премия та удысын ужасьёсты валтэ кунамы туризмез вӧлмытыны, выль проектъёс кылдытыны.