Удмуртиысь «Бурановские бабушки» коллектив Россилэн Кункат нуналэзлы кункрезез быдэстӥз

    Удмуртиысь «бурановские бабушки» коллектив россилэн кункат нуналэзлы кункрезез быдэстӥз 1

    Видеороликез кылдытонэ ваньмыз 126 адями пыриськиз. Соос пӧлын калык эктонъя «Калинка» ансамбль, грек выжыысь кырӟасьёс Ксения Георгиади но Надежда Рафаилиди, бигер кырӟанъя «Идель» ансамбль, эктонъя «Буин хан» коллектив, «Ромэн» чиган театрысь актёръёс, «Казачья станица» ансамбль, Алла Духовалэн эктонъя «TODES» театрез но мукетъёсыз.

    Кырӟасьёс Москваысь 20 тужгес тодмо интыосын возьматэмын: Кремль, Бадӟым театр, Триумфальной арка, Юрий Долгорукийлы синпелет, «Зарядье» паркысь лобась выж, Ленин нимо лыдӟетъюрт, Третьяковлэн галереяез но мукет.

    Видеороликез Россиысь Йӧскалык ужпумъёсъя федерал агентство, Москваысь Йӧскалык политикая но улосвылъёслэн кусыпъёссыя департамент тодмо продюсер Лина Арифулина юрттэм улсын кылдытӥзы.

    «Гимнлэн крезьгурезъя пӧртэм йӧслыкъёсын клип кылдытыны малпан омырын лобаз, но сое та дырозь нокин но ӧз быдэсты. Нош ми малпамы сое лэсьтыны, малы ке шуоно вань сӥё-дано ужрадъёсамы ми одно ик кункрезез быдэстӥськом, пӧрме сыӵе чебер трос йӧслыкъем хор. Кункатлэн нуналэзлы ми малпанэз улонэ пыӵатӥмы но, вань калыкъёслы тупаса улон сӥзьыса, ми та крезьгуро кузьымез Россиын вань улӥсьёслы кузьмаськом», — шуиз Игорь Баринов, Россиысь Йӧскалык ужпумъёсъя федерал агентстволэн кивалтӥсез.

    https://udmurt.media/udm/news/ekonomika-i-finansy/47060/