Удмуртиысь бигеръёс Сабантуйзэс пусйизы

Куноосты праздникез радъясьёс бадӟым хороводэн пумитазы. Пӧртэм выжые пырись калыкъёс бадӟым эгесэ биниськизы. Нош Сабантуйез усьтонын куноос учкизы театр возматонэз. Отчы пыриськисьёс веразы праздниклэн валтӥсь сям-йылолъёсыз сярысь.

Со сяна, «Вместе» огазеяськонлэн Можга ёзэтысьтыз ёзчиосыз элькунамы улӥсь калыкъёслэн фольклореныз тодматӥсь эктонъя флешмоб дасяллям.

Огдышем сямъя, Сабантуй вал вылын ворттылонъес но конкуръя ӵошатсконъёс бордысен кутскиз.

Празднике лыктэмъёс кужымзэс йӧскалык нюръяськонъёсын, бызьылонъёсын, юбое тубанын но мукет амалъёсын эскеризы. Лыктэмъёс йӧскалык азбаръёсын сиён-юонъёсын кунояськыны быгатӥзы. Нош йылпумъяськиз празник йӧскалык нюръяськонын вормем батырез сӥлы каронэн.