Удмуртиысь анай кылъя тужгес устоез дышетӥсь ужа Лудорвай школаын

«Анай кылъя тужгес устоез дышетӥсь» элькун конкурслэн финалаз вуизы заочной амалэн вожвылъяськон пыр потэмъёс. Со шаерысьтымы 5 удмурт кылъя но одӥг бигер кылъя дышетӥсьёс. Котькудзы соос ас удысазы данъяськымон ӧнерчиос.

Жюрилы соос ас сярысьтызы веразы, журналистъёслэн юанъёссылы валэктонъёс сётъязы, мастер-класс возьматӥзы, яратоно уженызы тодматӥзы.

Анай кылэз дышетӥсьёс куспын таӵе вожвылъяськон элькунамы 2009-тӥ арысен ортчылэ. Сое радъя элькунысь дышетонъя Министерство дышетонэз азинтонъя Институтэн ӵош. Берло аръёсы конкурслэн пуштросэз шӧдскымон воштӥськиз.

«Дышетӥсьёс тыршо выль технологиосты уже кутыса презентациоссэс дасяны, — шуэ элькунысь дышетонъя Министерствоысь валтӥсь ӧнерчи Надежда Ямаева. — Со огшоры слайдъёс гинэ ӧвӧл ни. Со ӧнерчилэсь технической быгатонлыкъёссэ но усьтон луэ. Соин ик та конкурс урок ортчытэмез гинэ кулэ уг кары, со быдэсак улонын кызьы асьсэдыз шедьтыны быгатӥзы, кызьы асьсэдыз возьматыны быгато -ваньмыз со усьтӥське».

http://www.myudm.ru/