Удмуртиысь 4 адями пыриськоз пор егитъёслэн Росси слётазы

Удмуртиысь 4 адямилэсь делегация слётэ мыноз. Со Алексей Япаров, Инна Конокпаева, Иван Конокпаев но Ектерина Ижболдина. Ваньзы соос Каракулино ёросын вордскемын. Слётэ шедён понна егитъёс нимысьтыз вожвылъяськон-быръён пыр ортчизы. Соос вордскем интызы сярысь пор кылын текстэн слайд-тодматон дасязы.

Слёт пор калыклэн нырысетӥ ӧтчамез ортчем дырысен 100 ар тырмонлы сӥземын. Солэн мереткылэз: «Писпулэн кужымез — выжыяз, калыклэн — выль выжыяз (поколения)» («Пушеҥгын вийже — вожышто, калыкын — у тукымышто»)

Ужрадын пор калыклэн историеныз, мер огазеяськонъёсты азинтонэн герӟаськем лекциос, треннингъёс, дышетонъёс ортчозы. Озьы ик пор азьветлӥсьёсын, йӧскалык движение ӧрысь эскерисьёсын пумиськонъёс радъялозы. Ужлыко шудонъёсын егитъёс асьсэлэсь азинлыксэс возьматыны быгатозы. Йылпумъяса, Слётэ пыриськисьёс пор движенилэсь юбилейзэ пусъёнлы дасяськонъя но ортчытонъя ӵектосъёссэс утёзы.