Удмуртиын улӥсьёсты пыриськыны ӧтё «Дети России» вожвылъяськонэ

    Удмуртиын улӥсьёсты пыриськыны ӧтё "дети россии" вожвылъяськонэ 1

    Ужъёсты 15-тӥ куартолэзёзь кутозы. Со сярысь элькунысьтымы Йӧскалык политикая министерстволэн пресс-службаез ивортэ.

    Удмуртиын улӥсьёсты пыриськыны ӧтё арлы быдэ ортчись туспуктэмъёсъя «Дети России-2022» вожвылъяськонэ.Куронъёсъя конкурсэ келяно Россиысь калыкъёслэн йӧскалык дӥськутэнызы 14 аресозь пиналъёсын туспуктэмъёсты.

    Таӵе вожвылъяськон радъяське ини 2014-тӥ арысен. Ортчытэ сое Йӧскалыккуспо журналистикая гильдия. Конкурслэн валтӥсь ужпумез – йӧслык дӥськут пыр Россиысь калыкъёслэсь лулчеберет аспӧртэмлыксэс возьматон но семьяосын калык сямъёсты улӟытон.

    Вожвылъяськонлы йылпумъянъёс лэсьтозы 1-тӥ инвожое — Нылпиосты утён нуналэ. Отын 3 вормисьёс луозы. Соос дуно кузьымъёс – визьмо колонкаос – басьтозы.

    Вожвылъяськонлэн куронъёсыныз пыр-почгес тодматскыны быгатӥськоды чӧлсконпусъя .

    Туспуктэм басьтэмын вотэсысь.