Удмуртиын улӥсьёс этнографи диктантэз онлайн амалэн ньыль нунал ӵоже гожтыны быгато
Нимысьтыз радъям площадкаосын этнографияя тестирование 2-тӥ шуркынмонэ ортчоз. Нош онлайн амалэн тодон-валанъёсты эскерыны 2-тӥ шуркынмонысен (10:00 мск) 5-тӥ шуркынмонозь (10:00 мск) луоз.
Ужрадлы йылпумъянъёс лэсьтозы 12-тӥ толсурлы. Юанъёслы шонер валэктонъёсты но тужгес ӵем пумиськылӥсь янгышъёсты азьвылгес шараялозы – 10-тӥ шуркынмонэ.
Кылем арын «Бадӟым этнографи диктантэз» онлайн амалэн 200 сюрслэсь трос адями гожтӥз. 2016-тӥ арен ӵошатыса, лыдпус 4 поллы йылӥз. Нош оглом ужрадэ Россиын но СНГ-е пырись кунъёсын оглом 367 сюрс адями пыриськиз.
2018-тӥ арын ужрад нош ик калыккуспо луоз.
Тодэ вайытом, кылем арын Удмуртиын «Бадӟым этнографи диктантлы» акцилы кырӟан кылдытӥзы, нош туэ — эктон.
Пусъём, «Бадӟым этнографи диктантэз» Россиын ортчытъяны кутскизы Удмуртиысь Йӧскалык политикая министерстволэн кичӧлтэмезъя.