Удмуртиын улӥсь финн-угор калыкъёс 2018-тӥ арлы валче ужанрадлык кылдытозы

Солэн кылъёсызъя, кенешонэ люкаськемъёс чаклам ужрадъёсынызы тодматӥзы. Котькудӥз со туж тунсыко, соин ик отчы пыриськоно, лыдъя Татьяна Ишматова. Со понна ужрадъёс сярысь тросгес ивортодэт вӧлмытоно.

«Методической гожтэтъёс келяно, кызьы, шуом, Анай кыллэсь нуналзэ пусйыны луэ. Али тани со матэктэ ни. Собере финн-угор выжы калыкъёслэсь нуналзэ, сое кызьы радъяны. <…> Тӥни со быдэсак планэз ӵош карыса, асьмеос быгатӥськом сое ӵектыны ёросъёслы но, мед пыриськыны быгатозы шуыса пӧртэм арлыдо нылпиос но, быдӟымъёс но”, –  шуиз Татьяна Ишматова.

 

«Удмурт кенешлэн» тӧроез пусйиз, Удмуртиысь финн-угор калыкъёс ӵошен ужаны кулэ шуыса.

«Коньывуонлэн куинетӥ арняез — со котьку но луэ финн-угор выжы калыкъёслэн нуналзы. Отын асьмеос ваньмы валче кариськыса ортчытыны кулэ пӧртэм югдытӥсь ужрадъёс — школаос понна, студентъёс понна нимысьтыз сыӵе пумиськонъёс ортчытъяны», — шуиз со.

Озьы ик эшшо одӥгез ужпум — элькунысьтымы финн-угор ужрадъёсты Россиысь Финн-угор калыкъёслэн ассоциацизылэн ужанрадлыказ пыртон, ивортӥз «Удмурт Кенешлэн» тӧроез.

Тодэ вайытом, Казаньын ортчем финн-угор ӝыт ог 80 адями люказ. Со карысь удмуртъёслэн, поръёслэн но мордваослэн ӵошен лэсьтэм нырысетӥ бадӟым ужрадзы луиз.

https://udmurt.media/udm/news/obshchestvo/30916/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий