28-тӥ-31-тӥ гудырикошконэ Элькунысьтымы дышетонэз азинтонъя институтын «Цифровой амалъёсты уже кутонлы сӥзем удмурт митап» ортчоз.
Сое «Артэ» огазеяськон «Медиа-лаборатория этнокультурного образования» проектэз улсын улонэ пыӵатэ.
Митап, англи кылысь берыктыса, пӧртэм ужпумъёсты сэрттон-пертчон но тодон-валанъёсты паськытатон понна пумиськон.
Митапын 4 нунал ӵоже удмуртлыкын цифровой амалъёсты азинтон сярысь кенешозы, пыриськисьёслэсь цифровой удысэн герӟаськем тодон-валанъёсты будэтозы, цифровой амалэн емыш кылдытыны дышетозы.
