Удмуртиын Kreata лагерь смена ортчиз

Арня ӵоже пиналъёс немец кылъя занятиосы ветлӥзы, лулчеберетэн но историен тодматскизы.

Со сяна пиналъёс театр возьматон дасязы. Со XVIII-тӥ даурын Веймар немец карын улонлы сӥземын вал. Озьы ик инкуазез утёнэн герӟаськем квестэ пыриськизы, туала немец крезьгурен но архитектурая «бахус» ӧрен тодматскизы, «Эшъяськон эстафетае» пыриськизы.

Лагере вуылӥз Удмуртиысь росси-немец «Югендхайм» огазеяськонэн кивалтӥсь Алёна Загребина. Со люкаськемъёсты «Югендхаймлэн» уженыз тодматӥз но визьсынанъя квест ортчытӥз.

Сменаез йылпумъяса, сиё-дано бал ортчытэмын вал. Пиналъёс  бальной эктонъёс быдэстӥзы, кудъёссэ  XVIII-тӥ даурын немец шаерын эктылӥзы — полька, падеграс, полонез.