Удмуртиын калыккуспо парадельфи шудонъёс кутскизы

    Удмуртиын калыккуспо парадельфи шудонъёс кутскизы 1

    Калыккуспо парадельфи шудонъёcты усьтон ужрад Ижкарысь кун циркын ортчиз. Россиысь 52 улосвылъёсысь но 21 кунъёсысь сӧсыръёс искусстволэн 8 амалъёсызъя вожвылъяськозы: кырӟанъя, эктонъя, кибашлы ӧръя но мукет.

    «Мон оскисько, быдэс арня куспын удмурт элькунын бадӟым праздник луоз шуыса, — вера лулчеберетъя элькун министр Владимир Соловьёв. — Та шудонъёс вань сӧсыръёслэсь улонзэс тунсыкогес, капчигес карыны юрттозы. Но тужгес но валтӥсез, мон малпамъя, асьме калыклэн  сӧсыръёс сярысь малпанзы воштӥськоз».

    Парадельфи шудонэ пыриськисьёслы вормонъёс, нош учкисьёслы Ижкар сярысь вунонтэм малпанъёс сӥзиз Росси федерацилэн кивалтэтэзлэн тӧроез Дмитрий Медведев. Вазиськонэз министръёслэн кабинетсылэн сайтаз интыямын. «Ижкаре бадӟым быгатонлыко адямиос люкаськизы, — шуиз со. —  Улосвыл, росси, калыккуспо конкурсъёслэн, фестивальёслэн лауреатъёссы, кинъёс асьсэ ужъёсынызы валэктыны быгатӥзы ляб тазалык творчестволы могӟетъёс уг кылдыты шуыса.

    http://www.myudm.ru/