Удмуртиын «ИнстаЧебераез» быръёзы

Вожвылъяськон кык арня ӵоже радъяськоз. Татчы котькудӥз удмурт нылаш пыриськыны быгатоз. Марафон улсын чебер апайёслы гурт улон, сям-йылолъёс, ӵыжы-выжыоссы, удмуртлык сярысь вить уж гожтыны ӵектэмын луоз. Котькуд куронэз быдэстыны куинь нунал сётӥськоз.

Ӵапак али марафонэ пыриськись нылашъёс нырысетӥ куронэз быдэсто. Соос «Мон удмурт!» нимо темая асьсэ сярысь пост-визитка гожто. Радъясьёслэн верамзыя, марафон удмурт кылын ортче. Но нылашъёс вӧзаз ӟуч, англи яке мукет кылъёс итӥзы ке, туж умой луоз.

— «ИнстаЧеберай» гожъяськон улсын гинэ медаз ортчы вылэм. Та площадка удмурт кибашлы нылъёслы асьсэ сярысь, ужъёссы сярысь, быгатонлыкъёссы сярысь шара вераны инты луыны кулэ. Киужъёсын вырись нылъёслы со пичильтык реклама мед луоз. Малы ке шуоно тросэз кышкало асьсэлэсь быгатонлыкъёссэс шараяны, — вера «ИнстаЧеберай» площадкалэн координаторез Анастасия Пушкина.

Марафонэ пыриськыны луоз котькуд этапысен. Но «ИнстаЧеберай» нимез басьтыны быгатоз вань куронъёсты быдэстэм-гожтэм нылаш гинэ. Вожвылъяськонэ пыриськись нылашъёслэсь ужъёссэс жюри дунъялоз. Озьы ик куара сётон Интернетын но радъяськоз. Берло ини огъя йылпумъянъёс лэсьтыса, куинь усто нылъёс шараяськозы. Соос куспын валтӥсь кузьымъёс люкемын луозы. Вормисьёс сяна, кузьымъёс утыны луонлыксы вань мукет нылъёслэн но.

Марафонлэн куронъёсыз сярысь тросгес тодыны луэ нимысьтыз вожвылъяськонлы кылдытэм бамъёсысь: «Инстаграм» (@cheberaj.marafon), «ВКонтакте» («Марафон женского творчества» группа).