Удмуртиын «ЭТНОэксперт» Йӧскалыккуспо шудон мынэ

Йылпумъянъёсъя 1-тӥ интые потӥзы Сигаево школаысь 10-тӥ классын дышетскисьёс.

«ЭТНОэксперт» шудонэ шаерысьтымы школаосысь бадӟым классъёсын дышетскисьёс пырисько. Шудонлэн куронъёсыз: одиг муниципал кылдытэтысь 3-лэсь трос командаос луыны кулэ ӧвӧл. Котькуд командаез 4 адямилэсь кылдытоно. Солэн ёзчиосыз 14-сен 17 аресозь егитъёс.

Берпуметӥяз, ньылетӥяз шудонэ 13-тӥ толсуре 13 часын Ижкарысь Калыкъёслэн Эшъяськон юртазы люкаськозы Сьӧлта, Сюмси, Ува, Пичи Пурга, Завьял, Якшур-Бӧдья, Вотка, Шаркан ёросъесын, Воткинскын но Ижкарын улӥсьёс.