Удмуртия Кунмылэн историезлы сӥзем тест гожтонэ пыриськоз

Вань мылкыд карисьёс Россилэн ортчем сюресэзлы сӥзем 40 юанъёслы 40 минут куспын валэктонъёс сётыны кулэ луозы. Таче акцилэн ужпумез -историлы саклык висъян, тужгес ик ортчем учыръёс сярысь тодыны тыршон мылкыдъёсты ӝутон.

Чакланъёсъя, быдэс Россиын, озьы ик США-ын, Белоруссиын но Азербайджанын ужалозы 3 сюрслэсь трос площадкаос. Нош Удмуртиын 21 площадка устӥськоз. Ижкарын тест гожтозы УдГУ-ын но Калашников нимо техникая кун университетын.

Нырысетӥез Кунмылэн историезлы сӥзем тест гожтон ортчиз кылем арын толсуре. Соку асьсэлэсь тодон-валанъёссэс эскеризы 83 сюрс адямиос. Йылпумъянъёсъя, акцие пыриськисьёслэн шоро-куспо баллзы 40 пӧлысь 23 люкаськиз.