Удмуртия «Кросс нации» ӵошатсконэ пыриськиз

Ижкарысь «Шор площадь» дано спортсменъёсын ӵош ас понназы бызьылыны мылкыд карисьёсты люказ. Бызьылонъя Росси нуналэз Ижкарын усьтӥзы кун кивалтон удысын ужасьёс, дано спортсменъёс. Соос пӧлын капчи атлетикая дунне чемпионатын вормись Сергей Широбоков. «Кросс нации» стартэ потон азьын гинэ ВКонтакте вотэсбамысь эшъёсызлэсь тодӥз, сое Европпаысь капчи атлетикая ассоциация арлэн «ӝужась кизилиез» нимаз шуыса. «Кросс нации»  ужрад пиналъёслэсь спортэ мылкыдзэс бурдъяны кулэ, — шуэ Сергей Широбоков.

«Татын бызьыло ваньмыз: спортсменъёс, спортэз яратӥсьёс, инвалидъёс. Мон туж шумпотӥсько таӵе ӵошатсконъёслы. Бадӟымъёслэсь адӟем каро пиналъёс – нош со тужгес но валтӥсез», — вера Сергей Широбоков.

Кроссэ лыктэмъёс арлыдзыя быръем дистанциосы потӥзы. Сюресъёслэн кузьдалазы одӥг иськемысен 12-озь пусйемын вал. Ижкарын «Кросс нации» ӵошатскон туэ 13-тӥзэ ортчиз.

http://www.myudm.ru/