Удмуртилэн тӧроезлэсь ужзэ огдырлы быдэсъясь: туризм — кулэезъя дунъямтэ ӧр
Со сярысь Александр Бречалов вераз «Мынам Удмуртие» радиолэн эфираз 2-тӥ гудырикошконэ:
«Туризм — кулэезъя дунъямтэ ӧр. Но аспӧртэмлыкез со бордын — Удмуртилэн ужрадъёсъя картаяз пыртымон ужрадъёс трос. 2018-тӥ арлы со картаез ми каръёслэн но ёрослэн тӧроосынызы гудырикошкон пумын кылдытомы. Кылсярысь, Тол Бабайлэн резиденциез Великий Устюген вожвылъяськыны быгатэ, но отын 1 миллион туристъёс, асьмелэн — 55 сюрс. Валамон, кытчы будыны. Ужпум пуктэмын — 2019-тӥ арын 250 сюрс туристъёс. Мон малпасько, матысь вить аръёсы улосвылын поттэм вузъёслэн но юрттӥськетлэн быдӟалаяз солэн люкетэз 5–7 процентозь вуыны быгатоз. Со бордын ми али ужаськомы».
Учыръёс но ужрадъёс Удмуртиын вань, соосты быгатыса возьматыны но азинтыны кулэ, лыдъя элькун тӧролэсь ужзэ огдырлы быдэсъясь. Озьы ик со пусйиз, солэн мерлыко вотэсъёсын улосвылын туризмез азинтон сярысь ивортонэз улын калык трос умой ӵектонъёс кельтӥз. Уноез соос командаен уже кутэмын.