Удмуртилэн тӧроез Финляндиысь посолэн пумиськон ортчытӥз

    Удмуртилэн тӧроез финляндиысь посолэн пумиськон ортчытӥз 1

    «Ӧжытэз гинэ тодэ 2018-тӥ арын фин дуэт «ГуртFest» Калыккуспо фестивале пыриськиз шуыса. Арлы быдэ сюлэсь трос туристъёс Удмуртие вуыло. Нош 2019-тӥ арын Удмуртиысь 62 триатлетъёслэсь зэмос «десант» Финляндиысь Лахти карын ортчем Ironman 70.3 ӵошатсконэ вуылӥз», —  вераз Александр Бречалов, Удмуртилэн тӧроез.

    Пумиськонын Александр Бречалов но Микко Хаутала вузкарон, экономика, лулчеберет, йӧскалык политика ласянь ваче ужан сярысь вераськизы. Элькунмылэн тӧроез посоллы дышетон удысын тыршемзы понна тау кариз: Удмурт кун университет но Ижкарысь техникая кун университет Финляндиысь университетъёсын кусып возё.

    Озьы ик Александр Бречалов вузъёсты экспорт-импорт сярысь юанъёсты но ӝутӥз. Туннэ нуналлы элькунысьтымы тямыс предприятиос вузъёссэс Финляндие келяло. Но Удмуртилэн тӧроез тросгес но быгатом шуыса оске. Соин валче со Финляндиысь ыстэм муртъёсты шуркынмонэ бизнес-миссия улсын шаерамы вуыны ӧтиз.

    «Ужбергатӥсьёслы, фермеръёслы, чорыгасьёслы, мер огазеяськонъёслы, спортсменъёслы, лулчеберет удысын ужасьёслы – ваньзылы – вазисько: кыӵе ке сизёнъёсты вань ке – ми дась но усьтэмын! Гожтэ! «, — шуиз Александр Бречалов, Удмуртилэн тӧроез.

    Ужбергатонъя юанъёсты сяна, Финляндиысь куноос Пётр Ильич Чайковскийлэн вордӥськем интыяз вуылозы но туризмъя выль маршрутъёсты ортчозы.

    Тодэ вайытом, кемалась ик ӧвӧл Александр Бречалов Россиысь вице-премьерен Алексей Гордеевен гурт возёс удысысь ужпумъёсъя кенешиз. Пумиськонын шаерысьтымы гурт пиналъёсты агробизнеслы дышетыны кутскозы шуыса тодмо луиз.

    https://udmurt.media/udm/news/politika/64023/