Удмуртилэн кунлыкезлы сӥзем ужрад ортчоз Москваын

Та нуналэ Москвае вуоз Удмуртилэн Тӧроез Александр Соловьев, со Москваын дышетскись удмурт студентъёсын, аспирантъёсын пумиськоз. Калыкъёслэн юртазы радъяськоз Удмуртиысь суредасьёслэн но туспуктылӥсьёслэн адӟытонзы, аслаз «Мистер Бубыли» киноеныз тодматоз Глазовысь режиссёр Вениамин Тронин, со Россиысь тросаз фестивальёсын вормылэмын. 

Ужрадэз йылпумъялоз концерт, отчы пыриськозы Удмуртиысь артистъёс — Надежда Уткина, Владимир Катков, Наталья Дзыга, Владимир Ельцов но Олеся Дыдыкай.